مسابقة شباب برة الصندوق

مسابقة شباب برة الصندوق

شباب برة الصندوق .. لمصر برة الصندوق

 

فى سطور

مسابقة شباب برة الصندوق لمصر برة الصندوق

 

عشان كل شركة لازم يكون ليها دور ومسئولية مجتمعية متماشية مع إحتياجات المجتمع ومطابقة للقيم اللي بتهتم بيها الشركة. قررنا في شركة أرضك | زيزينيا إن أكثر حاجة محتاجها المجتمع والدولة والشباب هو التفكير الإبداعي المبتكر اللي يوصلنا لأفكار وحلول بره الصندوق، حلول غير تقليدية للتحديات اللي بتواجهنا فى مصر.

فنظمنا مسابقة تدمج الشباب بشكل بناء في التخطيط لمستقبله بالشكل اللي هو نفسه فيه وفي نفس الوقت يكون على دراية بالتحديات اللي محتاج يواجهها وعنده تصور لكيفية مواجهتها وبفعالية عالية وبموارد محدودة

وعشان تكون الفايدة أشمل قررنا إننا نتعاون مع الوزارات اللي كلنا عارفين إنها الخط التنفيذي الأول اللي منوط به وضع سياسات والتعامل مع التحديات ونطلب منهم إنهم يشاركونا في وضع معاييرالمسابقة والتحكيم بهدف تطبيق الأفكار الفائزة على أرض الواقع.

فبكده يكون القطاع الخاص قام بدور مجتمعي فعال، حدد التحديات الملحة اللي بتواجها الدولة مع الوزارات المختصة وشجع الشباب من خلال التدريب والجوائز المادية إنهم يقدموا حلول شبابية مبدعة تقربهم خطوات من الحياة اللي نفسهم يعيشوها، والمكسب الأكبر للمجتمع ككل اللي هيتغير بشكل فعال بسبب الشراكة دي (قطاع خاص – شباب – حكومة).

بدأنا المسابقة في أغسطس 2014 واستمرت فعاليتها لمدة 5 شهور الدعاية شملت شبكات التواصل الإجتماعي وعلى مواقع مصراوي والمصري اليوم، تنظيم عدة فعاليات مع نماذج وأنشطة طلابية مختلفة (Models) و ساعدنا كذلك إهتمام وسائل الإعلام المختلفة تليفزيون وإذاعة وصحف في نشر الفكرة وتكريم الفائزين وعرض افكارهم المتميزة.

تكونت لجنة التحكم والمدربين من نخبة متميزة من خبراء في مختلف المجالات مما زاد التجربة ثراء لكل الأطراف المشاركة، وفي الحفل النهائي في 13/12/2014 بفندق انتركونتننتال سيتي ستارز كان التحكيم وإعلان الفائزين في فئات المسابقة المختلفة وتم توزيع الجوائز المالية للمركز الأول مقدمة من زيزينيا والمركز الثاني مقدمة من شركة إكسون موبيل بحضور ممثلين من الوزارات المشاركة.